Dosja “Metamorfoza”, GJKKO dënon me 6 vite burg biznesmenin Pëllumb Gjoka, përfitoi nga gjykimi i shkurtuar

Aktualitet | 5 muaj më parë

Biznesmeni Pëllumb Gjoka është dënuar nga Gjykata e Posaçme Kundër Korrupsionit dhe Krimit të Organizuar në kuadër të dosjes së njohur si “Metamorfoza”.

Vendimi u shpall nga GJKKO pas shqyrtimit të çështjes, duke e dënuar Gjokën me 9 vite burg, por për shkak të gjykimit të shkurtuar, biznesmeni ka përfituar ulje të dënimit me një të tretën dhe do të vuaj 6 vite burg.

Gjoka u arrestua u arrestua në korrik të vitit 2023 si pjesë e një organizate kriminale, pasi iu gjetën komunikime në aplikacionin Sky ECC që e lidhin me një sërë veprash penale të rënda, përfshirë vrasje.

Gjatë operacionit me urdhër të SPAK, bashkë me të u arrestuan edhe Oltion Bistri, ish-zyrtar i lartë i policisë, ish-prokurori Xhevahir Lita, dhe të tjerë personazhe, bisedat e të cilëve u zbuluan nga aplikacioni SKY.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.