Autoritetet siriane kanë arrestuar Ahmad Habib Ali, ish-kolonel në regjimin e Bashar al-Assad, i akuzuar për përfshirjen në sulmet me gaz sarin gjatë viteve 2013–2017.

Ministria e Brendshme tha se Ali mbikëqyri prodhimin dhe ruajtjen e armëve kimike , përfshirë gazin sarin, si ish-kreu i Njësisë 417 në Qendrën e Studimeve dhe Kërkimeve Shkencore, sipas Agjencisë Arabe të Lajmeve Siriane.

Ai u ndalua në provincën e Latakias dhe akuzohet për prodhimin e rreth 20 bombave ajrore me gaz sarin, secila me peshë 250 kg, të përdorura në sulme gjatë luftës civile. 

Sulmi më i rëndë me sarin ndodhi në gusht 2013 në Ghouta, ku humbën jetën mbi 1,400 persona, shumica fëmijë. Raportet ndërkombëtare thonë se forcat pro-qeveritare përdorën sarin mbi 50 herë midis viteve 2011 dhe 2024. 

Agjenti kimik sarin u përdor nga forcat e Asadit në gusht 2013 kundër banorëve të Ghoutës, një zonë bujqësore në periferi të Damaskut, duke rezultuar në vdekjen e të paktën 1,400 njerëzve, shumë prej tyre fëmijë. Midis viteve 2011 dhe 2024, forcat pro-qeveritare përdorën sarin më shumë se 50 herë.

Qendra SSRC, e themeluar në vitin 1971, u shemb pas rrëzimit të regjimit në dhjetor 2024, ndërsa objektet e saj u goditën edhe nga sulmet izraelite. 

/rtsh.al/