Rrugë e njëjtë për Egnatian dhe Dinamon, kundërshtarë sllovenë në Europë

Futboll Vendi | 4 muaj më parë

Egnatia kampione dhe Dinamo fituese e Kupës janë dy skuadrat shqiptare që vazhdojnë rrugëtimin europian, ndërsa Vllaznia dhe Elbasani janë eliminuar që në turin e parë. Interesant është fakti se në turin e dytë, si rrogozhinasit, ashtu edhe kryeqytetasit, do të ndeshen me skuadra sllovene.

Egnatia, pasi eliminoi Petrokub të Moldavisë, do të përballet me Celje në turin e dytë kualifikues të Champions League. Ndeshja e parë luhet në Rrogozhinë dhe e kthimit në Slloveni një javë më pas.

Dinamo eliminoi Astanën mbrëmjen e djeshme, në turin e dytë kualifikues të Conference League gjen Aluminij, një tjetër ekip slloven. Mund të konsiderohet një kundërshtar i kalueshëm për skuadrën e Dajës, edhe pse në futbollin e sotëm nuk ka më skuadra të lehta.

Blutë luajnë të enjten e ardhshme në Slloveni dhe një javë më pas në fushën e vet.

dinamo

egnatia

Sllovenia

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.