E rëndë në Bulqizë, minatori dyshohet se ka rënë në furnel gjatë procesit të punës, grupet e kërkim-shpëtimit vijojnë punën për nxjerrjen e tij

Aktualitet | 3 muaj më parë

Një aksident i rëndë dyshohet të ketë ndodhur sot rreth orës 13:00 në zonën e Tërnovës së Madhe, bashkia Bulqizë. Sipas informacionit paraprak, shtetasi I. K., 40 vjeç, banues në Burrel dhe me detyrë minator/brigadier në një subjekt privat, ka rënë në një furnel gjatë procesit të punës.

Paraprakisht dyshohet se 40-vjeçari është mbuluar nga materiali i kromit. Shërbimet e kërkim-shpëtimit dhe forcat e Policisë ndodhen në vendngjarje dhe po vijojnë punën për lokalizimin dhe nxjerrjen e tij.

Grupi hetimor ka nisur punën për të sqaruar plotësisht rrethanat e ngjarjes dhe për të verifikuar shkaqet e aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.