Prapaskena me Endrick te Milani, Cardinale hyri në lojë personalisht për brazilianin

Futboll Bota | 3 muaj më parë

Milani provoi të afronte në skuadër brazilianin e Real Madrid, Endrick. Lajmi është zbuluar nga gazetari i njohur italian Fabrizio Romano, sipas të cilit ka qenë vetë pronari i kuqezinjve, Gerry Cardinale, i cili ka kontaktuar personalisht me njerëzit afër brazilianit.

Numri 1 i Milanit ka dashur të kuptojë situatën në lidhje me një kalim të mundshëm të Endrick në Itali. Por ka qenë e pamundur, sepse vetë lojtari ka dashur të qëndrojë te Real Madrid. Në anën tjetër, edhe klubi spanjoll ka në plan ta mbajë sulmuesin që sezonin e kaluar u huazua te Lioni.

Klubi kuqezi ndërkohë po punon për merkaton në dalje, ku Fofana dhe Tomori janë më të mundshmit për të ndërruar skuadër. Sa u takon afrimeve, Milani ka marrë së fundi anësorin e majtë Diego Moreira.

Cardinale

Endrick

milan

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.