Zjarri përfshin ambientin e kompresorëve pranë Liqenit të Viroit, ndërhyjnë zjarrfikësit

Aktualitet | 2 muaj më parë

Një zjarr ka përfshirë mëngjesin e sotëm një biznes në afërsi të Liqenit të Viroit, në Gjirokastër. Sipas informacioneve paraprake mësohet se zjarri ka përfshirë një ambient biznesi ku mbaheshin kompresorë ajri.

Shërbimet zjarrëfikëse mbërritën menjëherë në vendngjarje ku ndërhynë me fikëse me pluhur dhe ujë për të neutralizuar flakët.

Mësohet se nga incidenti janë shkaktuar vetëm dëme të vogla materiale, ndërsa nuk raportohet për persona të lënduar. Ndërkohë, shkaqet dhe rrethanat e rënies së zjarrit po hetohen nga organet kompetente.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.