Kamioni përfshihet nga flakët pranë Laçit, tymi i zi mbulon zonën dhe rëndon trafikun

Aktualitet | 2 muaj më parë

Një kamion i tonazhit të mesëm u përfshi sot nga flakët në rrugën pranë Laçit, duke krijuar panik tek drejtuesit e mjeteve dhe banorët e zonës.

Ngjarja ndodhi në mes të ditës, ndërsa për fat të mirë nuk ka pasur të lënduar.

Pamjet e siguruara nga vendngjarja tregojnë shtëllungat e dendura të tymit të zi që ngriheshin mbi kamionin e përfshirë nga zjarri, duke mbuluar zonën dhe duke rënduar ndjeshëm trafikun.

Automjetet e tjera u detyruan të ndalonin ose të lëviznin me kujdes, ndërsa autoritetet ndërhynë për të neutralizuar flakët dhe për të rikthyer qarkullimin normal.

Shkaqet e zjarrit nuk janë bërë ende të ditura, ndërsa hetimet pritet të përcaktojnë rrethanat e incidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.