Lezhë/ Tritol portës së një banese, policia nis hetimet

Aktualitet | 2 muaj më parë

Një shpërthim me tritol ka tronditur Ishull-Lezhën në orët e para të mëngjesit (7 shtator). Sipas informacioneve paraprake, bëhet me dije se në lënda plasëse është vendosur në portën e jashtme të rrethimit të banesës së shtetasit S.Q. Policia informon se fatmirësisht nuk ka persona të lënduar, por janë regjistruar dëme material.

Ndërkaq, grupi hetimor po punon për zbardhjen e plotë të rrethanave të ngjarjes, si dhe për identifikimin dhe kapjen e autorit/autorëve.

“Rreth orës 03:50, në Ishull-Lezhë, në portën e jashtme të rrethimit të banesës së shtetasit S. Q., ka shpërthyer një sasi lënde plasëse. Si pasojë, janë shkaktuar dëme të vogla materiale.

Grupi hetimor vijon veprimet për zbardhjen e plotë të rrethanave të ngjarjes, si dhe për identifikimin dhe kapjen e autorit/autorëve”, thuhet në njoftim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.