Çmimet e larta të bagëtive vështirësojnë tregtinë, blegtorët përballen me kosto të larta mbarështimi

Sociale | 2 orë më parë

Tregtia e bagëtive në tregun e gjësë së gjallë po përballet me disa problematika, ku krahas mungesës së krerëve, shqetësim për blegtorët mbeten edhe çmimet e larta dhe interesi i ulët për blerje. Sipas tyre, rritja e kostove të mbarështimit, përfshirë ushqimin dhe kujdesin për kafshët, ka ndikuar drejtpërdrejt në çmimin e shitjes.

Nga ana tjetër, blerësit shprehen se çmimet janë të larta dhe se mundësitë ekonomike nuk u lejojnë të blejnë bagëti. Kjo situatë bën që në treg të ketë pak interesim, duke vështirësuar shitjen për blegtorët dhe blerjen për qytetarët.

Blegtorët që paraqiten në treg për të shitur krerët tregojnë se mbajtja e bagëtive kërkon gjithnjë e më shumë shpenzime dhe punë, ndërsa mungesa e blerësve e vështirëson edhe më tej aktivitetin e tyre.

/rtsh.al/

bagetia

tregu

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.