Abissnet Superiore në RTSH/ Egnatia tenton “arratinë”, mund Tiranën 2-1 në Vorë

Abissnet Superiore | 2 orë më parë

Faza e dytë e sezonit 2026-2027 nisi me ndeshjen Tirana-Egnatia. Takimi i zhvilluar në Vorë, i transmetuar në RTSH 1 HD, u mbyll me fitoren e miqve me shifrat 2-1.

Hazrollaj kaloi Tiranën në avantazh që në të 4’, por kampionët në fuqi reaguan duke barazuar shifrat në të 20’ me Loukili, i cili rrezikoi edhe katër minuta më vonë me një goditje nga jashtë zone.

Në pjesën e dytë Tirana humbi shumë në ritëm ndërsa Egnatia ia doli që të shënonte edhe golin e fitores. Diabate i ndihmuar edhe nga Bekaj gjeti rrugën e rrjetës për t’i dhënë kështu fitoren e tetë Egnatias, e cila ruan vendin e parë me 24 pikë në 10 ndeshje. Falë kësaj fitoreje ekipi i Dedes i shkëputet katër pikë Teutës, e cila nesër pret Partizanin. Ndërsa Tirana mbetet në vendin e katërt me 12 pikë. A.V.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.