Kryeministri i Katarit, Sheikh Mohammed bin Abdulrahman bin Jassim Al Thani, ka bërë thirrje për «zgjidhje diplomatike» me qëllim përfundimin e luftës mes SHBA-së dhe Iranit, gjatë një bisede telefonike me ministrin e Jashtëm iranian, Abbas Araghchi.Në një postim në platformën X, nga llogaria zyrtare e Ministrisë së Jashtme të Katarit, Sheikh Mohammed theksoi “mbështetjen për të gjitha iniciativat që synojnë të garantojnë lirinë e navigimit detar dhe të arrijnë një marrëveshje gjithëpërfshirëse që ndihmon në vendosjen e një paqeje të qëndrueshme në rajon”.

Katari ka bërë thirrje në mënyrë të vazhdueshme për dialog dhe zgjidhje diplomatike ndaj mosmarrëveshjeve rajonale, duke nënvizuar rëndësinë e përpjekjeve të koordinuara ndërkombëtare për të parandaluar përshkallëzimin e mëtejshëm.

Shteti i Gjirit ka marrë një rol proaktiv si ndërmjetës për t’i dhënë fund luftës së nisur nga SHBA-ja dhe Izraeli kundër Iranit.

Kontrolli mbi Ngushticën e Hormuzit vazhdon të mbetet një nga pengesat kryesore në negociata.   Më herët të enjten, një anije cisternë u godit nga predha pranë brigjeve të Katarit.

/rtsh.al/