Protestuesit tentojnë të bllokojnë bulevardin para Kryeministrisë, ndërhyn policia

Aktualitet | 23 minuta më parë

Një grup protestuesish u mblodhën sërish mbrëmjen e sotme përpara godinës së Kryeministrisë, duke tentuar të bllokojnë qarkullimin e automjeteve në bulevardin “Dëshmorët e Kombit”.

Forcat e policisë të pozicionuara në terren u bënë thirrje protestuesve nëpërmjet megafonëve të mos bllokonin rrugën dhe të lironin aksin rrugor. Pas mosbindjes, efektivët ndërhynë duke e zhvendosur grupin e protestuesve në trotuarin përballë Kryeministrisë, me qëllim normalizimin e trafikut.

Gjatë ndërhyrjes së forcave të rendit, disa prej pjesëmarrësve kundërshtuan me forcë veprimet e policisë, çka solli shoqërimin e tyre në komisariat nga efektivët. Situata u vu më pas nën kontroll dhe qarkullimi në bulevard vijoi normalisht.

/rtsh.al/

 


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme