Shqip
English
Français
Deutsch
Ελληνικά
Italiano
Srpski
TürkçeShkeljet gjatë ushtrimit të detyrës – Në 12 muaj, 444 efektivë të proceduar nga AMP
Më shumë se 440 efektivë policie të sektorëve të ndryshëm janë referuar në Prokurori nga Agjencia e Mbikëqyrjes Policore nga janari deri tani.
Të dhënat nga AMP saktësojnë se ata janë referuar përmes 291 referimeve, ku secili prej tyre vjen nga radhët e strukturave më në risk për korrupsion, siç janë: Kufiri, Policia Rrugore, Hetimi i Krimit, Shërbimet ndaj të tretëve etj.
Po sipas të njëjtave burime, në referime janë përfshirë edhe nivele të larta të menaxhimit policor, duke zbuluar, dokumentuar me prova ligjore dhe goditur veprimtarinë e kundraligjshme të kryer nga 1 drejtues i nivelit të lartë, dy drejtues të nivelit të mesëm dhe 33 drejtues të nivelit të parë.
Bëhet fjalë për drejtorë drejtorie e shefa sektorësh apo seksionesh në strukturat vendore e qendrore të Policisë së Shtetit.
Saktësohet nga AMP, se gjatë këtij viti, krahasuar me të dhënat e vitit 2023, ka pasur 223 referime me 319 punonjës të referuar.
Gazetare: Flutura Tota
/RTSH/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
