Gjykata e Tiranës ka vendosur masën e sigurisë “arrest në burg” për Darin Gezdarin, 34 vjeç, dhe arrest shtëpie për Arlinda Markun, 41 vjeçe, të akuzuar për pastrimin e 11 milion eurove përmes kompanive fiktive. Gjatë seancës gjyqësore, asnjëri nga të akuzuarit nuk ka pranuar të flasë para gjykatës, ndërsa përmes avokatëve të tyre kanë kërkuar një zbutje të masës së sigurisë.

Gjykata ka miratuar kërkesën e prokurorit Ndini Tavani, duke lënë në fuqi masën e arrestit për të dyshuarit, për të mundësuar hetimin e plotë të çështjes. Rasti i pastrimit të parave është ende në hetim nga autoritetet, dhe masat e sigurisë janë ruajtur për të siguruar zhvillimin e hetimeve.

Gjatë periudhës 2021–2022, Darin Gezdari dhe Arlinda Marku bashkëpunuan për të krijuar kompani fiktive, përmes të cilave transferuan para me burime kriminale nga Qipro, Gjibraltari dhe Malta, fillimisht në Shqipëri dhe më pas në Kanada. Hetimet po vazhdojnë, ndërsa të dyshuarit janë lënë në masa sigurie për të siguruar procesin e hetimeve.

/rtsh.al/