Aksident në aksin “Lushnjë-Berat”, makina përplas një këmbësor. Ndërron jetë në vendngjarje 63-vjeçari

Aktualitet | 2 vite më parë

Një aksident me vdekje ka ndodhur mesditën e sotme në aksin rrugor “Lushnjë-Berat”, ku ka humbur jetën tragjikisht një 63-vjeçar.

Sipas informacioneve paraprake nga Policia Vendore e Fierit, mësohet se rreth orës 12:55, në aksin rrugor “Lushnjë-Berat”, shtetasi G. I., 54 vjeç, duke drejtuar automjetin, ka përplasur shtetasin N. H., rreth 63 vjeç, këmbësor.

Si pasojë e dëmtimeve, 63-vjeçari nuk ka mundur të mbijetojë dhe ka humbur jetën në vendngjarje.

Shërbimet e Policisë shoqëruan drejtuesin e automjetit, shtetasin G. I., në Komisariat, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.