Qarku i Lezhës ka përjetuar reshje shiu të dendura, të cilat kanë shkaktuar probleme të konsiderueshme në disa zona. Që në orët e para të mëngjesit, reshjet kanë vijuar me intensitet të lartë, duke çuar nivelin e ujit në disa zona deri në 40 cm. Kjo ka penguar qarkullimin normal të mjeteve të vogla, ndërsa kanalet kulluese janë bllokuara nga mbetjet duke mos lejuar largimin e prezencës së ujit nga rrugët.

Problematika më e madhe është shkaktuar në aksin Milot – Qafë Kashar, pranë nënkalimit në Fushë Mamurras, që është bllokuar nga uji duke penguar qarkullimin.

Sipas autoriteteve lokale, pritet ndërhyrja e menjëhershme nga punonjësit e bashkisë së Kurbinit për pastrimin e mbetjeve dhe për të lehtësuar qarkullimin. Situata është monitoruar nga ekipet e emergjencës, ndërsa shoferët këshillohen të tregohen të kujdesshëm gjatë udhëtimit në këtë zonë.

/rtsh.al/