Vrasja e 14-vjeçarit, autori i dyshuar dërgohet në burgun e të miturve në Kavajë

Aktualitet | 2 vite më parë

Autori i dyshuar për vrasjen e 14-vjeçarit Martin Cani, Mario P., është dërguar në burgun e të miturve në Kavajë nga spitali privat ku ai po merrte ndihmën e nevojshme mjekësore.

Grupi i ngritur nga Drejtoria e Përgjithshme e Burgjeve raportohet se hasi fillimisht në rezistencën e mjekut të spitalit privat për transferimin e 14-vjeçarit të dyshuar si autor i ngjarjes në shkollën “Fan Noli”, por më pas stafi mjekësor e firmosi epikrizën e tij.

Ngjarja tragjike ndodhi më 18 nëntor në afërsi të shkollës, ku tre të mitur u konfliktuan me njëri-tjetrin dhe si pasojë e plagëve të marra me thikë humbi jetën 14-vjeçari.

Gjykata ka dhënë masën “arrest me burg” për Mario P., autorin e dyshuar për vrasjen e bashkëmoshatarit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.