IKMT dhe IVMT kanë pezulluar punimet e dy subjekteve në Shëngjin, ku pak ditë më parë humbën jetën dy punonjës të tyre gjatë kohës që po punonin në kantierin e ndërtimit. Rastet tragjike kanë bërë që autoritete të dalin në terren dhe t’i vendosin shiritat e pezullimit të punës subjekteve, ndërsa vijon kalimi në “sitë” i dokumentacionit dhe rregullave të sigurisë në punë.

Më 11 maj humbi jetën 50-vjeçari Preng Gjoni, i cili punonte në kantierin e një pallati në ndërtim në zonën e Kunes në Shëngjin. Gjoni ku mori goditjen fatale në kokë nga një dërrasë që u shkëput nga objekti. Ai u dërgua pa shenja jete në spital nga kolegët e tij, ndërsa vijojnë hetimet për ngjarjen e rëndë.

Gjithashtu më 9 maj një 28-vjeçar humbi jetën teksa po punonte në katin e nëntë të një pallati në Shëngjin. Emiljano Frroku ra nga lartësia, pasi ju shkëput vinçi që po e montonte, ku rezultoi punonte në të zezë.

/rtsh.al/