Kreu i forcave ajrore ukrainase ka bërë të ditur se Rusia ka nisur një nga sulmet e saj më të mëdha ajrore në Ukrainë të luftës deri më tani duke lënë të vrarë 6 persona.

Sipas autoriteteve ukrainase, ky është sulmi më masiv ajror që Rusia ka ndërmarrë ndaj Ukrainës ku 6 persona kanë mbetur të vdekur dhe dhjetëra janë plagosur pasi raketa dhe dronë u lëshuan në më shumë se gjysmën e rajoneve të Ukrainës.

Infrastruktura energjetike u godit, duke shkaktuar ndërprerje të shumta të energjisë elektrike, pasi i gjithë vendi u vu nën alarmin e sulmit ajror dhe iu tha të strehohej.

Rusia konfirmoi se kishte nisur sulmet ndaj infrastrukturës energjetike të Ukrainës – një nga taktikat e saj afatgjata – dhe tha se të gjitha objektivat e saj u goditën.

Breshëria e sulmeve me raketa dhe dron filloi në të gjithë vendin gjatë natës të së hënës dhe vazhdoi deri në mëngjes.

Sipas Mykola Oleshchuk, komandant i forcave ajrore të Ukrainës, Rusia lëshoi ​​127 raketa dhe 109 drone sulmuese. Prej tyre, Ukraina rrëzoi 102 raketa dhe 99 dronë, tha ai në Telegram. Oleshchuk e quajti sulmin e kombinuar “sulmin më masiv ajror”.

Më parë, një sulm dhjetorin e kaluar, kur 158 raketa dhe dronë u gjuajtën në Ukrainë, ishte konsideruar si sulmi më i madh deri më tani.

Ndërsa objektivi kryesor i këtij sulmi ishte infrastruktura energjetike, ishte gjithashtu një përpjekje e Moskës për të goditur rezervat e Ukrainës.

 “Ka të plagosur dhe të vdekur”, tha Shmyhal në aplikacionin e mediave sociale Telegram.

/rtsh.al/