Tragjedi në Iran- Përmbyset autobusi, humbin jetën 28 pelegrinë pakistanezë, plagosen 23 të tjerë

Botë | 2 vite më parë

Një autobus që transportonte pelegrinët pakistanezë është përmbysur në Iran, dhe për pasojë 28 pasagjerë kanë humbur jetën dhe 23 të tjerë kanë mbetur të plagosur.

Ngjarja u regjistrua mbrëmjen e së martës (20 gusht) në provincën qendrore iraniane Yazd, dhe sipas mediave iraniane bëhet me dije se autobusi hasi në një problem në sistemin e frenimit.

Nga 23 pasagjerët e plagosur, 7 prej tyre ndodhen në gjendje kritike për jetën.

Njëmbëdhjetë gra dhe 17 burra janë në mesin e personave që humbën jetën në aksident.

Rreth dy milionë pelegrinë myslimanë shiitë po marrin pjesë aktualisht në pelegrinazhin vjetor, i cili shtrihet rreth 80 km (50 milje) nga Najaf në Qerbela në Irak.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.