Stuhi të forta në Siçili, mbytet varka me 22 persona në bord, 7 të zhdukur

Botë | 2 vite më parë

Siçilia është përfshirë nga stuhi të forta ere, ku për pasojë edhe një varkë me vela britanike është mbytur. Në bordin e anijes ishin 22 persona, nga të cilët 7 rezultojnë të zhdukur.

Varka ishte 56 metra e gjatë dhe katër britanikë janë në mesin e të zhdukurve, raportojnë mediat italiane.

Në bord ishin 10 persona të ekuipazhit dhe 12 pasagjerë, ku autoritetet italiane kanë mundur të shpëtojnë 15 persona, përfshirë një fëmijë njëvjeçar, pasi anija u mbyt në brigjet e Palermos.

Aktualisht zhytësit po kërkojnë për personat e humbur, ndërsa 8 nga të shpëtuarit po marrin trajtim në spital.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.