Dhuroi 40 £ për organizatën bamirëse që ndihmonte Ukrainën, 33-vjeçarja ruse dënohet me 12 vite burg për tradhti

Botë | 2 vite më parë

Një grua është burgosur në Rusi për 12 vjet pasi dha 40 £ për një bamirësi që mbështet Ukrainën.

Shtetasja amerikano-ruse Ksenia Karelina u akuzua për tradhti pasi hetuesit kontrolluan telefonin e saj celular dhe gjetën një donacion prej 40 £ për Razom, një organizatë bamirëse që ofron ndihmë për Ukrainën.

Ksenia Karelina u arrestua në Yekaterinburg në shkurt, ndërsa këtë të enjte gjykata ruse vendosi ta dënojë me 12 vite burg. Sipas mediave ruse, 33-vjeçarja e pranoi akuzën në një gjyq që u zhvillua me dyer të mbyllura.

Karelina u transferua në SHBA në vitin 2012 dhe u bë shtetase në vitin 2021. Ajo ishte kthyer në Rusi për të vizituar familjen në fillim të vitit kur u arrestua

Shërbimi Federal i Sigurisë i Rusisë (FSB) pretendoi se donacioni ishte “përdorur për të blerë pajisje taktike mjekësore, pajisje, armë dhe municione për forcat e armatosura të Ukrainës”.

Organizata bamirëse ka mohuar se ofron ndonjë mbështetje ushtarake për Kievin.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.