Turqi- Sulm me thikë në një xhami, 18-vjeçari plagos 5 persona

Botë | 2 vite më parë

Një sulm me thikë ka ndodhur në kopshtin e një xhamie në Eskisehir (Dorylaion) në veriperëndim të Turqisë.

Autori 18-vjeçar, i veshur me antiplumb dhe me fytyrë të mbuluar, goditi me thikë të paktën pesë persona, një prej të cilëve ndodhet në gjendje të rëndë për jetën.

Autori i sulmit, para arrestimit nga policia, filmoi dhe transmetoi aktin e tij drejtpërdrejt përmes platformës X.

“Sulmuesi ishte i veshur si një personazh video-loje, kishte një sëpatë të varur në belin e tij, një jelek antiplumb, një helmetë dhe një maskë,” raportoi faqja e lajmeve Eskişehir Durum.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.