Sulm me thikë në qendër të Londrës. Dy të plagosura, arrestohet autori

Botë | 2 vite më parë

Një sulm me thikë ka ndodhur në sheshin Leicester të Londrës, ku të plagosur kanë mbetur një vajzë 11-vjeçare dhe një 34-vjeçare. Për ngjarjen policia ka arrestuar autorin e dyshuar, ndërsa mbeten ende të paqarta motivet e sulmit dhe nëse të plagosurat kishin lidhje apo jo me autorin.

Sulmi ka ndodhur në një zonë mjaft të populluar të Londrës rreth orës 11.36. Pas lajmërimit të policisë për sulmin të paktën 6 oficerë dhe një ambulancë vajtën në vendin e ngjarjes, ku u dha dhe ndihma e parë dy të plagosurave.

Policia ka arrestuar për ngjarjen një person, ndërsa mohon që të ketë të tjerë të përfshirë në këtë sulm.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.