Përshkallëzimi i situatës në Lindjen e Mesme nuk është në interesin e askujt, i tha sekretari amerikan i Shtetit, Antony Blinken, ministrit izraelit të Mbrojtjes Yoav Gallant në një telefonatë.

”Në sfondin e shqetësimeve rreth sulmeve të mundshme hakmarrëse ndaj Izraelit për vrasjen e figurave kryesore nga organizata militante palestineze Hamas dhe milicisë libaneze të Hezbollahut të mbështetur nga Irani, Blinken e siguroi Gallantin për mbështetjen e Uashingtonit”, theksoi zëdhënësi i DASH, Matthew Miller.

”Blinken ripohoi angazhimin e hekurt të Shteteve të Bashkuara për sigurinë e Izraelit dhe diskutoi se si përshkallëzimi nuk është në interesin e asnjërës palë”, shtoi Miller.

Sekretari përsëriti nevojën urgjente për të arritur një armëpushim në Gaza që do të siguronte lirimin e pengjeve, do të mundësonte një rritje të ndihmës humanitare dhe do të krijonte kushtet për një stabilitet më të gjerë rajonal që familjet izraelite dhe libaneze të kthehen në shtëpitë e tyre. 

Sipas ATSH

/ rtsh.al /