Venecia do të kufizojë numrin e vizitorëve në grupet turistike deri në 25 persona për të siguruar lëvizje më të lirë të këmbësorëve, dhe guidave turistike do t’u ndalohet përdorimi i altoparlantëve për të garantuar qetësi ndaj banorëve.

Kufizimet, përfshijnë qendrën e qytetit si dhe ishujt Murano, Burano dhe Torcello. Përjashtim nga rregullat që hyjnë në fuqi të enjten janë fëmijët nën dy vjeç, si dhe nxënësit e studentët në udhëtime shkollore.

Ndërkohë, për ata që nuk respektojnë masat e reja mund të përballen me gjoba nga 25 deri në 500 euro, raporton Reuters. 

Në prill, Venecia u bë qyteti i parë në botë që prezantoi një sistem pagese për vizitorët në një eksperiment që synonte të pengonte pushuesit të vizitonin gjatë sezonit.

Eksperimenti i çuditshëm zgjati vetëm një muaj dhe është parë me interes nga qendra të tjera turistike dhe raportohet se i ka lënë vendin një periudhe konsultimi për të vendosur sesi do të vazhdojë projekti në të ardhmen.

Gazetar: Artur Mata

/rtsh.al/