Një aeroport në kufirin zvicerane-francez u evakuua për arsye sigurie, pak orë pas sabotimit që “paralizoi” rrjetin hekurudhor francez, përpara ceremonisë së hapjes së Lojërave Olimpike.

“Për arsye sigurie, terminali duhej të evakuohej dhe aktualisht është i mbyllur,” tha Basel-Mulhouse EuroAirport në faqen e tij të internetit.

Pak më vonë u bë e ditur se ka pasur një telefonatë anonime për një bombë.

Shumë fluturime tashmë janë anuluar dhe pasagjerët këshillohen të kontaktojnë linjat ajrore për të parë nëse dhe kur do të udhëtojnë.

Nga ana tjetër, Eurostar po u kërkon pasagjerëve të shtyjnë udhëtimet midis Londrës dhe Parisit pasi linjat hekurudhore franceze u goditën nga sulmet me zjarrëvënie.

Edicioni i 33-të i Lojërave Olimpike do ngrejë zyrtarisht siparin në orën 19:30 minuta, me ceremoninë e hapjes në Paris që do të zgjasë 4 orë,  një veprimtari që do të bëjë bashkë 10. 500 sportistë nga e gjithë bota. 

/rtsh.al/