Disa mbështetës në Konventën Kombëtare Republikane u panë dje me fasha në vesh – në shenjë solidariteti me ish-presidentin amerikan Donald Trump.

Trump, i cili po konkurron për një mandat të dytë presidencial, u plagos në veshin e tij të djathtë gjatë një atentati në një tubim elektoral fundjavën e kaluar.

Që atëherë, ai ka mbajtur një fashë të bardhë në veshin e tij.

Që nga e hëna, Trump ka marrë pjesë në sallën e ngjarjeve në Milwaukee, Wisconsin çdo mbrëmje me veshin e fashuar.

Trump u emërua zyrtarisht si kandidati presidencial i Partisë Republikane për zgjedhjet e nëntorit të hënën.

Ai ka planifikuar të mbajë sot një fjalim, që tradicionalisht shënon fundin e kongresit katërditor.

Të shtunën, një sulmues qëlloi në drejtim të Trump në një aktivitet elektoral në shtetin e Pensilvanisë.

Një person ka humbur jetën dhe dy të tjerë janë plagosur rëndë. Agjentët e Shërbimit Sekret vranë sulmuesin. 

/ rtsh.al /