Hamasi: Një prej komandantëve tanë u vra nga forcat izraelite

Botë | 2 vite më parë

Hamasi ka bërë të ditur se në mesin e të vrarëve nga forcat izraelite në Ramallah është një edhe komandati i tyre.

Sipas Hamasit, një nga komandantët e saj në Bregun Perëndimor u vra në një përleshje me forcat izraelite.

Në një deklaratë për mediat, Hamasi thotë se Mohammed Jaber Abdo u vra së bashku me tre operativë të tjerë të grupit në një fshat afër Ramallahut.

Ai thotë se Abdo kishte kaluar 20 vjet në burgjet izraelite.

Izraeli tha mbrëmë se oficerët e policisë kufitare vranë një palestinez të armatosur të akuzuar për kryerjen e një sulmi me zjarr në një fermë vendbanimesh në Bregun Perëndimor, së bashku me tre të dyshuar të tjerë palestinezë për terrorizëm.

Policia tha se të dyshuarit u përpoqën të përplasnin oficerët me makinën e tyre dhe në përgjigje ata hapën zjarr, duke vrarë katër burrat.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.