Negociatat për pengjet mes Izraelit dhe Hamasit drejt dështimit? Shefi i CIA-s takim urgjent me kryeministrin e Katarit

Botë | 3 vite më parë

Shefi i CIA-s do të zhvillojë një takim urgjent me kryeministrin e Katarit pasi marrëveshja e pengjeve thuhet se është pranë dështimit.

Shefi i CIA-s Bill Burns është duke udhëtuar drejt Dohës për një takim urgjent me kryeministrin e Katarit Mohammed Al-Thani në lidhje me negociatat në vazhdim për një lirim të pengjeve dhe një marrëveshje të përkohshme armëpushimi.

“Burns është rrugës për në Doha për një takim urgjent me kryeministrin e Katarit që synon të ushtrojë presion maksimal ndaj Izraelit dhe Hamasit për të vazhduar negociatat”, transmetojnë mediat izraelite.

Vizita e tij vjen pasi bisedimet janë në prag të dështimit pasi Hamasi tha se delegacioni i tij po nisej nga Kajro për në Doha, ku do të zhvillojë konsultime të mëtejshme mbi pozicionin e grupit terrorist për marrëveshjen.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.