8 marinarë gjejnë vdekjen, 2 zhduken në det, një tjetër arrin të shpëtojë

Botë | 3 vite më parë

Tetë marinarë kanë gjetur vdekjen pasi një anije me flamur të Koresë së Jugut u përmbys në brigjet perëndimore të Japonisë.

Një person tjetër u gjet jashtë rrezikut, ndërsa dy të tjerë janë zhdukur në det.

Sipas rojës bregdetare të Japonisë, anija e marinarëve u përmbys në prefekturën Yamaguchi pasi ekuipazhi kërkoi ndihmë në radio, ndërsa vazhdojnë kërkimet për dy marinarë të tjerë që ndodheshin në bord.

Anija thuhet se ishte në spirancë për shkak të motit të stuhishëm. Roja bregdetare shpjegoi se ajo mbante 980 ton acid akrilik.

Operacioni i shpëtimit është duke u zhvilluar pranë qytetit Shimonoseki në jugperëndim të vendit.

Roja bregdetare japoneze raporton se ekuipazhi përbëhet nga dy koreanë, tetë indonezianë dhe një shtetas kinez.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.