Kryeministri i Irlandës Leo Varadkar do të japë dorëheqjen sapo të zgjidhet pasardhësi i tij Fine Gael.  Varadkar do të largohet menjëherë nga detyra si lider i partisë, ndërsa e ka përshkruar udhëheqjen e vendit të tij si “kohën më të kënaqshme të jetës sime”.

Ai u bë kryeministri më i ri i Irlandës në vitin 2017 kur u bë lider i Fine Gael. Ai aktualisht drejton qeverinë e koalicionit në Dublin, së bashku me Fianna Fáil dhe Partinë e Gjelbër.

Në zgjedhjet e përgjithshme irlandeze të vitit 2020, Varadkar udhëhoqi partinë e tij në vendin e tretë për sa i përket numrit të vendeve në Dáil Éireann, dhoma e ulët në parlamentin e vendit.

Si pjesë e marrëveshjes së koalicionit të arritur midis partive, u ra dakord që Varadkar dhe Micheál Martin do të mbanin postin e kryeshefit për dy vite  secili.

Në vitin 2020, Martin u emërua në postin e detyrës, me Varadkar që shërbente si Tánaiste (zëvendëskryeministri) i tij, përpara se të dy të shkëmbenin rolet në vitin 2022.

/rtsh.al/