Pentagoni është ende duke punuar për të përcaktuar shkallën e rrjedhjes së informacionit të klasifikuar që ka ndodhur javët e fundit lidhur me luftën mes Ukrainës dhe Rusisë.

Sipas ndihmëssekretarit të Mbrojtjes për çështjet publike, Chris Meagher po vlerësohet shkalla e shpërndarjes dhe ndikimit.

“Departamenti i Mbrojtjes po punon gjatë gjithë kohës për të parë shtrirjen dhe shkallën e shpërndarjes, ndikimin e vlerësuar dhe masat tona zbutëse. Ne jemi ende duke hetuar se si ndodhi kjo, si dhe shtrirjen e çështjes. Ka pasur hapa për të parë më nga afër se si shpërndahet ky lloj informacioni dhe kujt. Ne gjithashtu jemi ende duke u përpjekur të vlerësojmë se çfarë mund të jetë atje”, ka theksuar Chris Meagher.

Meagher tha se Sekretari i Mbrojtjes Lloyd Austin u informua për herë të parë mbi rrjedhjen më 6 prill.

Gjatë fundjavës, zyrtarët amerikanë u angazhuan me aleatët, disa prej të cilëve u implikuan në rrjedhjen e dokumenteve, transmeton CNN. 

Sipas Chris Meagher, ekipi i Pentagonit po punon gjithashtu për të përcaktuar nëse rrjedhja e materialit të klasifikuar përfshin çështjet legjislative të Departamentit të Mbrojtjes, çështjet publike, politikën, këshillin e përgjithshëm, inteligjencën dhe sigurinë dhe zyrat e stafit të përbashkët.

/rtsh.al/