Mbi 700 migrantë të shpëtuar në Mesdhe

Botë | 5 vite më parë

Më shumë se 700 migrantë, në përpjekje për të kaluar Mesdheun, u shpëtuan gjatë fundjavës, veçanërisht në brigjet e Maltës dhe Libisë, njoftoi OJQ evropiane ”SOS Mesdhe”.

”Që prej së shtunës, gjashtë operacione u kryen në ujërat ndërkombëtare, gjë që ka mundësuar shpëtimin e 106 personave që ndodheshin në një anije të mbingarkuar në brigjet e Maltës”, njoftoi ”SOS Mesdhe”, selia e së cilës ndodhet në Marsejë.

“I mbijetuari më i ri i këtij operacioni është vetëm tre muajsh”, theksoi ajo.

Ky operacion erdhi vetëm disa orë pasi ”Ocean Viking” dhe OJQ-ja gjermane ”ResQship” u erdhën në ndihmë më shumë se 400 personave në Mesdheun Qendror./ATSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.