Dhjetra njerëz janë arrestuar ndërsa një varg protestash fillon në të gjithë Rusinë në mbështetje të politikanit të burgosur të opozitës Alexei Navalny, njofton BBC.

Policia ka prishur demonstrata në rajonin lindor Khabarovsk, mes paralajmërimeve të ashpra për njerëzit që të qëndrojnë në shtëpi.

Disa nga bashkëpunëtorët e ngushtë të Z. Navalny, duke përfshirë një zëdhënëse dhe një nga avokatët e tij, u arrestuan gjatë protestave të së shtunës.

Z. Navalny është kritiku me profilin më të lartë i udhëheqësit rus Vladimir Putin.

Mbështetësit e tij mësynë mediat sociale me thirrje për të tubuar në protestat që priten më vonë në deri në 60 qytete ruse.

Navalny u arrestua të dielën e kaluar pasi ai fluturoi përsëri në Moskë nga Berlini, ku ai ishte duke u rikuperuar nga një sulm pothuajse fatal i agjentit nervor në Rusi gushtin e kaluar.

Kur u kthye, ai u mor menjëherë në paraburgim dhe u shpall fajtor për shkeljen e kushteve të lirimit me kusht. Navalni thotë se është një çështje e trilluar e krijuar për ta heshtur dhe u bëri thirrje mbështetësve të tij të protestojnë.