Aksident në Fier, kamionçina përplaset me makinë e përfundon në kanal, dy të plagosur

Aktualitet | 4 muaj më parë

Një aksident rrugor është regjistruar në aksin Fier–Seman, në afërsi të lagjes “Afrim i Ri”, ku janë përplasur një automjet dhe një kamionçinë.

Si pasojë e përplasjes, dy shtetas kanë mbetur të lënduar lehtë dhe kanë marrë ndihmën e nevojshme mjekësore.

Nga goditja, kamionçina ka përfunduar në një kanal anës rrugës, ndërsa automjeti ka pësuar dëme të shumta materiale.

Të lënduarit janë transportuar me autoambulancë drejt Spitalit Rajonal të Fierit për të marrë ndihmën mjekësore. Sipas burimeve nga spitali, të dy të plagosurit ndodhen jashtë rrezikut për jetën.

Në vendngjarje kanë mbërritur efektivët e Policisë Rrugore dhe ekspertët, të cilët po kryejnë veprimet procedurale dhe po dokumentojnë rrethanat e aksidentit për të përcaktuar shkaqet e tij.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.