Tashmë janë kthyer në ritual aktivitetet masive folklorike të organizuara nga Shoqata Kulturore ” Shën Kozmai ” në Livadhja të Bashkisë Finiq. Aktiviteti i sivjetshëm u organizua në kujdesin e Ministrisë së Ekonomisë ,Kulturës dhe Inovacionit të Shqipërisë, Komitetit të Minoriteteve dhe Bashkisë së Finiqit.

700 valltarë nga 30 grupe artistike, të ardhura nga Shqipëria dhe Greqia, mbushën sheshin para Pallatit të Kulturës Katina Papa dhe perfomuan për rreth katër orë.

“Shoqata Kulturore ” Shën Kozmai ” organizon këtë festival ku marrin pjese diku tek 30 grupe nga vendet e Greqisë, nga vendet e Shqipërisë dhe nga vendet e pakicave. Shoqata Kulturore ” Shën Kozmai ” organizon këtë festival me mbështetjen e ministrisë se kulturës dhe ambasadës greke në Tiranë”, u shpreh Aneta Gudi, Kryetare e Shoqatës ‘’Shën Kozmai”, Libadhja

Gjatë këtij eventi folkorik,  organizatorët akorduan tituj nderi për disa personalitete, të cilët  ushtrojnë aktivitetin e tyre në fushën e mbrojtjes se të drejtave të minoriteteve, por edhe në atë të kulturës.

/RTSH/