Prokuroria pranë Gjykatës së Shkallës së Parë të Juridiksionit të Përgjithshëm Fier ka përfunduar hetimet dhe ka dërguar për gjykim kryeinspektorin dhe dy inspektorët e Inspektoriatit të Mbrojtjes së Territorit (IMT) Divjakë, të akuzuar për veprën penale “Shpërdorimi i detyrës”.

Hetimet zbuluan se në të paktën 31 raste të ndërtimeve të paligjshme, të dënuara me vendime të formës së prerë nga gjykata, inspektorët nuk ushtruan detyrën për kontrollin e territorit. Po ashtu, nuk u ndoq procedura ligjore për kundërvajtjet administrative, si vendosja e gjobës, prishja e objekteve dhe kallëzimi penal.

Nga mosvjelja e gjobave për periudhën 2021–2022, Prokuroria ka provuar një dëm ekonomik prej 11,170,000 lekësh në buxhetin e shtetit dhe të njësisë vendore.

Të pandehurit janë: R. L., kryeinspektor i IMT Divjakë, S. M., inspektor i IMT Divjakë dhe I. K., inspektor dhe ish-kryeinspektor i IMT Divjakë.

/rtsh.al/