Në mbledhjen e Konferencës së Kryetarëve ishte parashikuar që Kuvendi të zhvillonte edhe një seancë të fundit më 22 dhjetor para festave të fund vitit. Kjo gjë është kundërshtuar nga PD, ku kreu i grupit parlamentarë demokrat, Enkelejd Alibeaj ka kërkuar që të shtohet një seancë më 19 dhjetor, pasi janë mbi 20 projektligje që nuk mund të kalojë fshehurazi dhe me shpejtësi por i duhet kohë deputetëve për të diskutuar.

“Nga ana e konferencës ishte propozuar që të ketë një seancë të vetme, të fundvitit, ajo 22 dhjetor dhe ajo që është e habitshme është se aktet propozojnë të ishte i madh, 20 e më tepër akte e projektligje që pretendohet të diskutohet në një seancë të vetme. Janë jo pak por 15 projektligje por dhe vendime të tjera të rëndësishme të Kuvendit.

Sot i kërkova bashkë me kolegët e opozitës që kjo mënyrë e përcaktimit të këtij volumi kaq të madh veprimtarie në një seancë të vetme është strategji që dëmton të drejtat e deputetëve. Ka kohë kalendarike që ky parlament të ketë seancë të hënën ose të enjten e javës tjetër. Kalimi fshehurazi dhe shpejt duket se është praktikë e qeverisë dhe parlamentit.

Të ketë një seancë tjetër të hënën. Patëm diskutime, në fund mazhoranca u tërhoq dhe sërish do të bëmë mbledhje sot në orën 15:00. Dua të them publikisht se çfarë propozova në Konferencën e Kryetarëve. Ky parlament nuk duhet të jetë noter banal i qeverisë. Akte të rëndësishme që kanë impakt publik të mos u jepet koha e nevojshme deputetëve dhe publikut për tu njohur, diskutuar e analizuar. Ky është propozimi që unë kam bërë. Jemi në pritje që sot mazhoranca të reflektojë dhe t’i japë mundësi publikut për t’u njohur me këto akte”, tha Alibeaj.

/rtsh.al/