Ancelotti merr fitoren e parë, Brazili kualifikohet në finalet e Kupës së Botës 2026

Futboll Bota | 1 vit më parë

Ndeshja e parë në shtëpi, në një Sao Paulo plot entuziazëm, i jep Carlo Ancelottit suksesin e parë si trajner i Brazilit.

Pas një performance të dobët në ndeshjen debutuese, trajneri italian dhe “Seleçao” mposhtin Paraguain 1-0 falë golit të Vinicius Junior, duke u kualifikuar matematikisht për Kupën e Botës 2026.

Siguron një biletë për në fazën finale të Botërorit edhe Ekuadori, që barazoi 0-0 në transfertë përballë Perusë. Argjentina (e kualifikuar më herët) ka barazuar 1-1 në shtëpi me Kolumbinë, ndërsa Uruguai ka mposhtur 2-0 Venezuelën. Bolivia fitoi 2-0 në shtëpi përballë Kilit të vendit të fundit.

Kur kanë mbetur edhe 2 ndeshje nga përfundimi i fushatës kualifikuese të zonës së Amerikës Latinë, Argjentina, Brazili dhe Ekuadori kanë siguruar matematikisht një biletë për në finalet e Kupës së Botës 2026.

boteror

kualifikohet

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.