Nuk mund të kishte një prelud më të mirë të Katar 2022 për Argjentinën. Në fakt, Albicelestes iu desh vetëm një pjesë loje për të mposhtur Emiratet e Bashkuara Arabe, të cilët u rrëzuan në një rezultat 5-0 në ndeshjen e fundit miqësore para fillimit të sezonit. Pjesa e parë është një “poker” për skuadrën e Scalonit, që zhbllokoi sfidën në minutën e 17-të me Julian Alvarez në një asistim të Messit, më pas mes 25′ dhe 36′ protagonist është lojtari i Juventusit, Angel Di Maria: dopietë në 12 minuta për të mbyllur sfidën, në të cilën “Pulce” më pas firmosi për 0-4 momental.

Me rezultatin e arkivuar, Scaloni ndryshoi shumë skuadrën në pjesën e dytë duke aktivizuar Molina, Montiel, German Pezzella dhe interistin Correa, i cili arriti të gjejë rrugën e rrjetës me asistim nga De Paul, duke firmosur 0-5. Argjentina më shumë se gati për Botërorin: të martën më 22 nëntor do të ketë debutimin në grupin C kundër Arabisë Saudite.