Arrestohet autori i plagosjes me armë zjarri në Gos të Kavajës, sekuestrohet pistoleta

Aktualitet | 1 vit më parë

Policia e Durrësit ka arrestuar në flagrancë shtetasin Sh. O., 56 vjeç, si autorin e dyshuar të plagosjes me armë zjarri të dy komshinjve të tij, S.D. dhe N.D., ngjarje e ndodhur në fshatin Gos.

Në vijim të veprimeve për dokumentimin ligjor të ngjarjes, shërbimet policore gjetën të fshehur në një mur dhe sekuestruan në cilësinë e provës materiale armën e zjarrit tip pistoletë, me të cilën dyshohet se u krye plagosja.

Sipas të dhënave paraprake, konflikti ka ndodhur për motive të dobëta.

Materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme hetimore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.