Arrestohet e më pas lirohet në Poloni kampioni Usyk

Sporte të tjera | 2 vite më parë

Boksieri ukrainas, Oleksandr Usyk u arrestua dje dhe më pas u lirua në aeroportin e Krakovit, Poloni.

Këtë e kanë bërë të ditur mediat e Kievit, duke cituar presidentin Volodymyr Zelensky dhe parlamentarin ukrainas, Zhan Beleniuk.

“Isha i indinjuar nga ky trajtim i qytetarit dhe kampionit tonë”, tha Zelensky, duke specifikuar se lirimi i Usyk ndodhi pas ndërhyrjes së Ministrisë së Jashtme të Ukrainës.

Arrestimi u shkaktua nga “një keqkuptim që u zgjidh shpejt”, ka shkruar boksieri në një postim në llogarinë e tij në Instagram. Gruaja e tij, Kateryna Usyk saktësoi në rrjetet sociale se arrestimi nuk kishte lidhje me “asgjë kriminale”.

37-vjeçari Usyk u bë kampioni i padiskutueshëm i peshave të rënda të botës pasi mposhti boksierin britanik, Tyson Fury në maj.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.