Ashleigh Barty triumfon në Wimbledon 2021

Sporte të tjera | 5 vite më parë

Numri një në botë Ashleigh Barty triumfon në finalen e Wimbledon, duke arritur suksesin e saj të dytë në karrierë, pas Roland Garros fituar në 2019. Në një sfidë të luftuar, që zgjati pothuajse dy orë, Barty mundi në finale polaken Karolina Pliskova me rezultatin 2-1(6-3, 6-7, 6-3).

Sfida nisi e mirë për australianen, duke patur gjithçka nën kontroll dhe duke fituar me rezultatin 6-3 në setin e parë. Në setin e dytë, gjithçka ishte ndryshe, tenistja polake Pliskova arrin të fitojë 7-6 duke vendosur barazpeshën në sete, 1-1.

Në setin e tretë, të fundit, nuk ka më histori, gjithçka është në favor të tenistes australiane, e cila arrin të fitojë me rezultatin 6-3. Një sukses mëse i merituar për Barty, që konfirmohet si më e mira në botë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.