Jo pa vështirësi Novak Djokoviç arriti që të kualifikohej sot për në turin e tretë të Australian Open. Serbi mundi në katër sete francezin Enzo Couacaud, i cili është numri 191 në renditjen ATP. Ndeshja që zgjati më shumë se tre orë (6-1, 6-7, 6-2, 6-0) shqetësoi shumë tifozët e serbit, i cili në setin e dytë u ndal pasi kërkoi ndihmën mjekësore për një problem në kofshën e majtë. Në turin e tretë serbin e pret Dimitrov.

E enjtja ishte ditë e mallkuar për shumë emra të njohur të tenisit. Pas Rafa Nadal, Melburnit i dha lamtumirën edhe Casper Ruud (u mund nga amerikani Jenson Brooksby në katër sete: 6-3, 7-5, 6-7, 6-2). Norvegjezi u frenua nga prbleme në muskujt e barkut ndërsa rivali i tij ishte autor i një prove të mirë.  

Ndërkohë që surprizë ishte edhe eleminimi i Taylor Fritz. Ky i fundit u mposht nga asutraliani Alexei Popyrin, i cili arriti të bëjë mrekullinë falë mbështetjes të publikut duke fituar një ndeshje që zgjati plot 4 orë në “John Cain Arena”.

Po sot u largua edhe Alexander Zverev, i cili u mund nga amerikani Michael Mmoh.

Rrezultatet  Australian Open (meshkuj):

Brooksby-Ruud 6-3 7-5 6-7(4) 6-2

Rublev-Ruusuvuori 6-2 6-4 6-7(2) 6-3

Mmoh-Zverev 6-7(1) 6-4 6-3 6-2

Fritz-Popyrin 7-6(4) 6-7(2) 4-6 7-6(8) 2-6

Cressy-Rune 5-7 4-6 4-6

Couacaud-Djokovic 1-6 7-6(5) 2-6 0-6

Murray-Kokkinakis (po luhet)

Rrezultatet  Australian Open (femra):

Sabalenka-Rodgers 6-3 6-1

Volynets-Kudermetova 6-4 2-6 6-2

Putintseva-Pliskova 0-6 5-7

Fernandez-Garcia 6-7(5) 5-7

Liu-Bencic 6-7(3) 3-6

Vondrousova-Jabeur (po luhet)