Avionët polakë dhe aleatë të NATO-s në gatishmëri mes alarmit ajror në Ukrainë

Europë | 2 muaj më parë

Komanda Operacionale e Forcave të Armatosura Polake njoftoi të enjten se avionët polakë dhe aleatë të NATO-s janë në detyrë gjatë alarmit ajror në Ukrainë.

Sipas njoftimit, për shkak të “aktivitetit të dronëve që godasin objektiva në Ukrainën perëndimore”, është ngritur në ajër aviacioni polak dhe ai i NATO-s.

Sistemet e mbrojtjes ajrore tokësore dhe ato të zbulimit me radar janë vendosur gjithashtu në nivelin më të lartë të gatishmërisë.

Deri në mëngjesin e së enjtes, operacioni i NATO-s në hapësirën ajrore polake vazhdonte.

Agjencia Polake e Shërbimeve të Navigimit Ajror (PANSA) njofton se aeroportet në pjesën lindore të Polonisë kanë pezulluar operacionet.

“Për shkak të nevojës për të siguruar lirinë e veprimit të aviacionit ushtarak, aeroportet e Lublinit dhe Rzeszów kanë pezulluar fluturimet,” thuhet në deklaratë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.