Dy episode të pjesës së parë në “Allianz Arena” kanë shkaktuar protesta të të forta nga lojtarët e Bajern Mynih. Gjermanët barazuan 1-1 me PSG dhe u eliminuan nga Championsi, pasi ndeshja e parë ishte mbyllur 5-4 në favor të franeczëve.

Në shënjestrën e klubit bavarez gjatë dhe pas ndeshjes ishte arbitri portugez Pinheiro, për shkak të dy momenteve shumë të diskutueshme.

Në minutën e 29-të mbrojtësi portugez i PSG, Nuno Mendes, i ndëshkuar më parë me karton të verdhë, ndërpret një aksion të gjermanëve duke prekur topin me dorë. Arbitri Joao Pinheiro sinjalizon se më parë kishte një prekje topi me dorë të Laimer dhe akordon goditje dënimi në favor të francezëve.

Pak minuta më pas Vitinha, në zonën e rreptësisë, largon topin që preket nga Joao Neves me dorën e majtë të hapur, me shumë mundësi për të mbrojtur fytyrën. Arbitri portugez nuk e gjykon një gjest të ndëshkueshëm me penallti dhe vazhdon lojën. Në VAR ishte italiani Di Bello dhe ky moment është kontestuar fuqishëm nga bavarezët.