Sukses i ri për Barçën, që tri ditë pas fitores ndaj Betis Sevilla, mund edhe Celtën, falë golit të Depay dhe dopietës së Aubameyang, duke forcuar më tej pozitën në vendin e dytë, që do të vlente pjesëmarrjen në Final Four të Superkupës së Spanjës. Gjatë pjesës së dytë, momente frike për Ronald Araujo, i larguar nga fusha me një ambulancë pas një përplasjeje të dhunshme me shokun e tij të skuadrës Gavi.

Të dëmtuarve Pique, Sergi Roberto, Pedri dhe Nico u bashkohet edhe Busquets i pezulluar dhe, kështu, Xavi mendohet mirë për rimodelimin e Barçës, me vetëm Frenkie de Jong dhe Gavin ë mesfushë, të mbështetur në krahë nga Dembelé në të djathtë dhe Ferran Torres në të majtë. Përpara, Depay i jep një dorë Aubameyang. Me një mesfushor profesionist më pak se zakonisht, Blaugranët arrijnë të shënojnë në minutën e 30-të me anë të Depay.

Aubameyang dyfishoi shifrat në minutën e 41-të, ndërsa kompletoi dopietën personale menjëherë me fillimin e pjesës së dytë. Aspas ngushtoi diferencën në minutën e 50-të, ndërsa tetë minuta më vonë Murillo u ndëshkua me karton të kuq duke e bërë akoma më të lehtë detyrën për katalanasit. Mbyllet 3-1.