Pas humbjes në shtëpinë e Interit duke i dhënë lamtumirën Ligës së Kampionëve, Barcelona do të duhet të përballet të dielën me Real Madridin në klasiken spanjolle që është një pikë kthese vendimtare për La Ligën.

Hansi Flick foli në një konferencë shtypi për të prezantuar ndeshjen. “Ne jemi mirë, pas humbjes në Milano të gjithë e dinë që nuk është e lehtë… Por ne po i bëjmë gjërat mirë, kemi folur për atë që duam të bëjmë në këto dy javë. Janë katër ndeshje. Ne kemi shumë ndeshje për të luajtur. Lojtarët janë shumë mirë”.

“Një El Clasico është një ndeshje që lojtarët duan ta fitojnë. Jemi të fokusuar të japim gjithçka, të bëjmë mirë dhe të marrim tri pikë”.

Në garën për La Ligan – “Është titulli më i sinqertë, duhet të luash 38 ndeshje. Nëse arrin deri në fund dhe je i pari, është titulli më i ndershëm”.

Për punën e bërë pas zhgënjimit të fundit evropian – “Kemi folur për atë që ata mendojnë, ndjenjat e tyre… Duhet të flasim për këtë si grup. Të gjithë e dinë se në një El Clasico duhet të japësh 100 për qind. Duhet të jesh aktiv, intensiv, dominues… Real Madridi është një ekip i madh dhe ne kemi nevojë për tifozët”.