BASKETBOLL: Shqipëria mundet përsëri nga Bjellorusia

Shqipëria në basketboll për meshkuj i ka mbyllur me humbje kualifikueset e raundit paraeleminator të Kampionatit Europian 2023. Ndeshje të cilat, kjo dhe për shkak të Pandemisë Covid-19, janë luajtur me sistem grumbullimi në Qipro.
Një tjetër humbje me diferencë prej 21 pikësh, këtë herë me Bjellorusinë, ndërsa tanët kanë luajtur përsëri me dy fytyra. Dy periodat e para shumë të mira, teksa kundërshtari ka hasur vështirësi, e më pas në dy të dytat, edhe për shkak të problemeve fizike, që kanë ardhur nga mungesa e gjatë e kampionatit, rënie në lojë.
Ndeshja Shqipëri – Bjellorusi ka ardhur drejtëpërsëdrejti në rrjetin e Radio Televizionit Shqiptar. Perioda e parë është vetëm me një pikë diferencë për bjellorusët, 24-25. E dyta përsëri për Bjellorusinë, 15-19 dhe në pushim jemi me një disavantazh prej 5 pikësh, 39-44.
Ajo që ka bërë diferencën në lojë dhe që e ka vënë në siguri të plotë fitoren e Bjellorusisë ishte perioda e tretë. 16-26 dhe në total 55-70. 17-23 e katërta, e cila fikson rezultatin përfundimtar 72-93. Kjo ishte paraqitja e Shqipërisë në raundin paraeliminator të Kampionatit Europian 2023 me një fitore dhe pesë humbje.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




